U organizua në datat 24-25 Qershor 2019, në Bolonja, Itali, 20 vjetori i Deklaratës së Bolonjës. Ky aktiviteti i rëndësishëm universitar u organizua nga Alma Mater Studiorum – Università di Bologna, së bashku me Ministrinë italiane për Arsim,
universitetet që e kanë nënshkruar Deklaratën e Bolonjës, nën kujdesin e Observatorit të Kartës Magna Universitatum, Shoqata e Universitetit Europian dhe Shoqata e Studentëve Evropianë.
Në këtë aktivitet, mori pjesë edhe Rektori i Universitetit të Elbasanit “Aleksandër Xhuvani”, Prof.dr. Skender Topi, i cili bashkë me 200 rektorët pjesëmarrës, ishin pjesë e një parakalimi ceremonial akademik, si tregues i unitetit dhe bashkëpunimit.
Në vijim, aktiviteti u zhvillua në formën e një konference me shumë panele, në të cilat u diskutua përcaktimi i axhendës për hartimin e Procesit të Bolonjës dhe e zhvillimeve të mëtejshme të Zonës Evropiane të Arsimit të Lartë (EHEA) në vitet që vijnë.
