Universiteti i Elbasanit “Aleksandër Xhuvani” për nevojat e tij, shpall konkurs për një (një) pozicion pune, Specialisti i marrëdhënieve me jashtë në Drejtorinë e Koordinimit dhe Marrëdhënieve me Jashtë në Rektorat.
Specialisti i marrëdhënieve me jashtë: është përgjegjës për mbarëvajtjen e komunikimit me strukturat brenda dhe jashtë UE-së në lidhje me zbatimin e projekteve ku UE është pjesë. Kontribuon për përkthimin e materialeve dhe dokumenta të tjera sipas nevojave institucionale. Kujdeset me preokupimin maksimal për të marrë masat e duhura për pritjen, sistemimin dhe përcjelljen e delegacioneve, apo ekspertëve të huaj, që vijnë në vendin tonë me ftesë apo në kuadrin e bashkëpunimit institucional. Raporton periodikisht për veprimtarinë e tij.
Kandidatët duhet të plotësojnë këto kritere të veçanta, përkrah atyre të përgjithshme:
Kriteret e veçanta:
- Të ketë përvojë të mëparshme në projekte ndërkombëtare.
- Referenca pune nga punëdhënës.
- Njohës i mirë i përdorimit programeve kompjuterike.
- Të ketë njohuri shumë të mira të një ose disa gjuhëve të huaja të vertëtuara me dokumentacion.
Kriteret e përgjithshme:
- Të ketë mbaruar studimet universitare (master I shkencave) në fushën e shkencave humane.Diplomat të cilat janë marrë jashtë vendit, duhet të jenë të njohura dhe njësuara nga ministria përgjegjëse për arsimin.
- Të mos jetë dënuar me vendim gjyqësor të formës së prerë.
- Ndaj tij të mos ketë masë disiplinore në fuqi.
- Të ketë përvojë pune.
- Të jetë I aftë për punë.
Kandidatët duhet të dorëzojnë dokumentacionin e mëposhtëm, brenda 10 (dhjetë) ditëve nga shpallja e njoftimit në APP, pra nga data 15.10.2018 deri 26.10.2018 këtë dokumentacion:
- Fotokopje e diplomës e njehsuar me origjinalin. Nëse aplikanti disponon një diplomë të një universiteti të huaj, atëherë ai duhet ta ketë të njehsuar atë pranë ministrisë përgjegjëse për arsimin;
- Fotokopje e listës së notave e njehsuar me origjinalin. Nëse ka një diplomë dhe listë notash të ndryshme me vlerësimin e njohur në Shtetin Shqiptar, atëherë aplikanti duhet ta ketë të konvertuar atë sipas sistemit shqiptar;
- Fotokopje e njesuar e librezës së punës.
- Çertifikata , kualifikime, rekomandime të ndryshme, të njësuara me origjinalin.
- Referenca pune nga punëdhënësit ;
- Dëshmi e njohjes së gjuhës së huaj e njesuar me origjinalin.
- Raport mjeko – ligjor, që vërteton aftësinë për punë;
- Vërtetim i gjendjes gjyqësore/vetëdeklarim;
- Fotokopje e letërnjoftimit.
- Letër motivimi për pozicionin e e punës Specialisti i marrëdhënieve me jashtë Jetëshkrimin e tij/saj
Të interesuarit duhet të dërgojnë me postë dokumentacionin përkatës, nga datat 15.10.20181 deri 26.10.2018 në adresën :
Universiteti i Elbasanit “Aleksandër Xhuvani”,
Rruga “Ismail Zyma”,
Aplikim për _____________________
Komisioni ad-hoc do të vlerësojë dosjet e kandidatëve paraprakisht dhe më pas ato do ti nënshtohen intervistës me gojë. Konkursi do të zhvillohet në Rektorat. Kandidatët konkurues do të njoftohen elektronikisht për rezultatet paraprake të konkurrimit më datë 31.10.2018 dhe më datë 09.11.2018 do të bëhet shpallja/njoftimi i fituesve.
Për çdo sqarim mund të kontaktoni në adresën elektronike [email protected].